Ich han 'nen Deckel
do ston noch
zehn Mark aachzig drop
Dä litt en Kölle
en minger Kneip beim Struthse Jupp
Ich han domols nit dran jedaach
moot noch fott en d'r selven Naach
Un ich fuhr noh Berlin met d'r Bahn
Do fing ich en neue Arbeit ahn
Berlin is 'ne Wolke
su stund et
en d'r Zeidung dren
He kann mer levve
Kumm her zo uns
Berlin is in
Am Daach verdeent mer
vill mih als zo Hus
un des Naaks jon de Lampe niemols us
Dröm ben ich
jetz he en dä Stadt
doch mer fählt erjend jet
Ich weiß nit wat
Ich hätt niemols niemols jedaach
Dat ich su off ahn Kölle denke muss
Ich han he Fründe un alles
et jeiht mer och nit schlääch
Ävver trotzdäm
do kummen ich he nit zerääch
Ich han 'nen Deckel
do ston zehn
Mark aachzig drop
Dä litt en Kölle
en minger Kneip beim Struthse Jupp
Nächste Mont, wenn ich Urlaub maach
will ich sinn,
dat ich veezehn Daach fahre kann
Et es zwar koot doch ich han
ne Jrund
dat ich 'ne neue Deckel maache kann
Ich hätt niemols niemols jedaach
Dat ich su off ahn Kölle denke muss
Ich han he Fründe un alles
et jeiht mer och nit schlääch
Ävver trotzdäm
do kummen ich he nit zerääch
Ich hätt niemols niemols jedaach
dat ich Kölle su jän mag
Denn Kölle dat es die Stadt
wo ich jroß jewooden ben
Un erjendwann muss ich dann
wenn ich kann widder hin