Heit sitz i wieda
im Espresso
wie jedn Tog
so um hoib via
Und woat dass se
vielleicht wos tuat
weil i mi gor so
fadisier
Es is kana do
den wos i kenn
I hoi ma de Zeitung
und les de Kultur
Schau noch
wos neichs
im Kino spüln
und frog an
wia spät's is
weil i hob ka Uhr
De Zeit vageht
jetzt sitz i scho
beim zweitn Bier
beim viertn Tschick
I druck wos
in de Musikbox
und gib ma de
Kommerzmusik
A Madl kummt
und wüll a Feia
I schau ma s' au
se is net zwida
Se zündt se
ihr Zigarettn au
sogt Dank da schee
und locht mi au
und schleicht se wieda
Najo
jetzt wear i glaub i gehn
I zoih steh auf
und ziag ma mein Mantl au
Und denk ma no
vielleicht is de
de ka Feia ghobt hot
muagn am Nochmittog
a wieda do
Weil do sitz i wieder
im Espresso
Wie jedn Tag
so um hoib via
Und woat dass se
vielleicht wos tuat
Weil i mi gor so
weil i mi gor so
fadisier