Bei jedem Wickl mit da Mutta
woar mei er'ster Weg
von daham zu dir.
Und du host g'sogt:
''Sie is allan,
des muaßt versteh'n.
Ois vageht.
Kumm trink a Bier.''
Dann host du g'mant
es ganze Lebn
besteht aus Nehmen
und vü mehr Gebn.
Worauf i aus deim Kostn
in da Nocht
de poar tausend Schülling
gfladert hob.
Zum Verputz'n
in da Diskothek.
A poar Tog drauf
host mi danoch gfrogt.
I hob's bestrittn,
hysterisch plärrt.
Dei Blick woar traurig,
dann hob i g'reart.
Du host nur gsogt:
''Kumm' loss ma's bleibm.
Göld kann gor nie
so wichtig sein!''
Wenn du vom Kriag erzöhlt host,
wie du an Russ'n
Aug in Aug
gegenüber g'stand'n bist.
lhr hobts eich gegenseitig
an Tschick anbot'n,
die Hand am Abzug
hat zittert vor lauter Schiss.
Oder dei Frau,
die den ganzen Tog
dir die Ohr'n vui g'sungen hot.
Du host nur gsogt:
''I hob sie gern.
I muaß ned olles,
wos sie sogt, imma hearn.''
Großvota,
kaunnst du ned owa kummen
auf an schnölln Kaffee?
Großvota,
i mecht da so vü sogn
wos i erst jetz' vasteh'.
Großvota,
du woarst mei erster Freind
und des vagiss' i nie,
Großvota.
Du woarst ka Übermensch,
host a nie so tan.
Grod deswegen woar do
irgendwie a Kroft.
Und durch die Art
wie du dei Lebn glebt host,
hob' i a Ahnung kriagt,
wie ma's vielleicht schofft.
Dei Grundsotz woar:
Z'erst überlegn,
a Meinung hobn,
dahinter stehn.
Niemois Gewalt,
olles beredn,
owa a ka Angst
vor irgendwem.
Großvota,
kaunnst du ned owa kummen
auf an schnölln Kaffee?
Großvota,
i mecht da so vü sogn
wos i erst jetz' vasteh'.
Großvota,
du woarst mei erster Freind
und des vagiss' i nie,
Großvota.
Großvota,
kaunnst du net owa kumman
auf an schnölln Kaffee?
Großvota,
i mecht da so vü sogn
wos i erst jetz' vasteh'.
Großvota,
du woarst mei erster Freind
und des vagiss' i nie, Großvota