Jeder jeiht singe Wääch un hät
still un leis
e Levve opjebaut
Met Familich un Arbeit es
still un leis
de Fründschaff afjeflaut
Doch sinn mer uns
dann all Jubeljohr
Dann es et su
wie et fröher wor
Han mir jetz och
e paar jriese Hoor
Drissejal dat es uns Naach
Mir sin he un jetz
wore vill ze lang verlore
Mir sin he un jetz
föhlt sich aan wie neujebore
Mir sin immer noch die Jecke
die mer fröher schon wore
Mir sin he un jetz
bes zoletz
Oh-oh oh-oh-oh
oh-oh-oh oh-oh-oh
Oh-oh oh-oh-oh-oh
Jetz sitze mer all am Desch
laut un wild
op eimol widder jung
Drinke Kölsch un verzälle vill
laut un wild
voll Erennerung
Sinn mer uns
dann all Jubeljohr
Dann es et su
wie et fröher wor
Sin immer noch
fürenander do
Jläser huh
dat es uns Naach
Mir sin he un jetz
wore vill ze lang verlore
Mir sin he un jetz
föhlt sich aan wie neujebore
Mir sin immer noch die Jecke
die mer fröher schon wore
Mir sin he un jetz
Sproche mir
och lang kei Wood
Jeder wunnt
aan nem' andre Ort
Doch wenn ich jet
om Hätze han
Rof ich aan
un do jeihs dran
Mir sin he un jetz
wore vill ze lang verlore
Mir sin he un jetz
föhlt sich aan wie neujebore
Mir sin immer noch die Jecke
die mer fröher schon wore
Mir sin he un jetz
Bes zoletz
Oh-oh oh-oh-oh
oh-oh-oh oh
He un jetz
Oh-oh oh-oh-oh-oh
Bes zoletz