I wünsche dir Schueh, wo nid drücke
Für dä Wäg, wo de geisch
U dass dr Rucksack am Rügge
Nid 'z'schwär isch, wo de treisch
Wes Aabe wot wärde
En offeni Tür
Dr Himmel uf Ärde
Ja das wünsch'i dir
I wünsche dir Charte, wo stäche
Am beschte vier Ass
U söttsch glych emal Päch ha
E Bärnhardiner mit Fass
Ir Wüeschti gnue Schatte
U am Nordpol es Füür
Meh Müsli, als Ratte
Ja das wünsch'i dir
I wünsch dir n'Ängel, wo di bhüetet
U guet zue dr luegt
We dr Sturm dusse wüetet
We's hudlet u tuet
Eso wirsch's preschtier
So gloub'i, chunnsch für
So wirsch mängisch no fyre
Ja das wünsch'i dir
I wünsche dir Cherze, mängs hundert
Sölle brönne am Fescht
U ne Turte wi ne Jumbo
Für di u dyni Gescht
Ke Löffel us Silber
Kes Guld uf em Gschiir
All dä Schmuck i dir sälber