Es lebe der Zentralfriedhof
und olle seine Toten
Der Eintritt ist für Lebende
heit ausnahmslos verboten
Weu da Tod a Fest heit gibt
die gonze lange Nocht
und von die Gäst' ka anziger
a Eintrittskortn braucht
Wann's Nocht wird über Simmering
kummt Leben in die Toten
und drüben beim Krematorium
tans Knochenmork ohbrotn
Durt hinten bei der Marmorgruft
durt stehngan zwa Skelette
Die stessen mit zwa Urnen on
und saufen um die Wette
Am Zentralfriedhof is Stimmung
wias sei Lebtoch no net wor
weu olle Toten feiern heite
seine erschten hundert Johr
Es lebe der Zentralfriedhof
und seine Jubilare
Sie liegen und
sie verfeuln scho durt
seit über hundert Jahre
Draußt is koit
und drunt is worm
nur manchmoi a bissl feucht
Wenn ma so drunt liegt
freut ma sich
wenns Grablaternderl leucht
Es lebe der Zentralfriedhof
die Szene wird makaber
Die Pforrer tanzen mit die Huren
und Juden mit Araber
Heit san olle wieder lustig
heit lebt olles auf
Im Mausoleum spüt a Band
die hot an Wahnsinnshammer drauf
Am Zentralfriedhof ist Stimmung
wias sei Lebtoch no net wor
weu olle Toten feiern heite
seine erschten hundert Johr
Es lebe der Zentralfriedhof
auf amoi mocht's a Schnoiza
Da Moser singt's Fiakerlied
und die Schrammeln
spüln an Walzer
Auf amoi is die Musi stü
und olle Aug'n glänzen
weu dort drübn steht
der Knochenmann
und winkt mit seiner Sensen
Am Zentralfriedhof ist Stimmung
wias sei Lebtoch no net wor
weu olle Toten feiern heite
seine erschten hundert Jahr