Opjestallt en einer Reih
Ihr Junge zällt ens
af vun eins bes zwei
Frisch jewäsche un raseet
un benemmt üch
denn do unge setzen Lück
Opjepass de Auge jradeus
janz leger süht ald
janz joot us
Die Knabüs jetz langsam raf
nit ze flöck dat wor
jeschaff
Saat wo es dann uns're
Weber's Schang
Aan d'r Thek em Lazarett
beim Schmitze Lang
Dä deit do sing
Levver bade
opjepaß ihr Nümaatskrade
Stippt die Fott erus
nit ze deef
wie süht dat us
Fangt jetzt röstlich
aan ze wibble
nit wie en
jelaate Zwibble
Leich un elejant
met Verstand
die Knabüs
schön en d'r Hand
Mir sin Appelsine Funke
Mädcher han uns zojewunke
Junge kutt joot heim
un loot uns
nit ze lang allein
Vun Neppes simmer
herjekumme
han dä Feind noch
stets bezwunge
Dä Feind de Jrisjram heiß
und dä vun d'r
Freud su janix weiß
Fastelovend jo
do jeiht et widder loss
Fastelovend hält uns
keiner mih ze Hus
Fastelovend Schatz
dat muß de doch verstonn
müssen Appelsine
Funke danze jonn
Fastelovend jo
do müsse mer erus
Tschüß mi Neppes
un adschüß de Nüüßer Stroß
Mach et joot mi Hätz
wat sin muß dat muß sin
Äschermittwoch kumme mir
jo widder heim
Mir Appelsine Funke
han dä Eid
jeschwore op uns Fahn
Nur uns're Heimatstadt
am Rhing
bes en d'r Dud
all treu ze sin
Mir Appelsine Funke
han dä Eid
jeschwore op uns Fahn
für unser Kölle
do ze sin
de schönste Stadt d'r
Welt am Rhing