Ming eetste Fründin
dat wor et Meier's Kättche
un ich fuhr mem Rädche
Dach für Dach zo im
Et Meier's Kättche
fuhr dann met om Rädche
un dann dät et laache
su wie ne Sunnesching
un dann dät et laache
su wie ne Sunnesching
Als kleine Fetz do wor ich King
bei uns en d'r Stroß
Un fuhr ich met mingem Rädche
met drei Jäng dodurch
jo do wor vielleich jet loß
Et Meier's Kättche
us d'r Rhingjaß
dat hatt mich dann och ens
mem Rädche jesinn
Un zick dem Dach
hatt ich beim Kättche
ne janz decke Stein
em Brettche dren
Ming eetste Fründin
dat wor et Meier's Kättche
un ich fuhr mem Rädche
Dach für Dach zo im
Et Meier's Kättche
fuhr dann met om Rädche
un dann dät et laache
su wie ne Sunnesching
un dann dät et laache
su wie ne Sunnesching
Met veezehn
kom ich en de Lihr
als Installateur
Do dät ich janz jot verdeene
un bal schon hatt ich
e Moped vür d'r Dür
Doch nevvenan dä Weber's Mattes
dä wor schon Jesell
hatt mih Jeld als ich
Un et Kättche fuhr
mem Mattes em Auto
un leet mich
janz einfach em Stich
Ming eetste Fründin
dat wor et Meier's Kättche
un ich fuhr mem Rädche
Dach für Dach zo im
Et Meier's Kättche
fuhr dann met om Rädche
un dann dät et laache
su wie ne Sunnesching
un dann dät et laache
su wie ne Sunnesching
un dann dät et laache
su wie ne Sunnesching