I hob seit circa ana wochn
überhaupt nix
gscheits mehr gessn
I hob kann Schülling
hob kann Euro
hob ka Gerschtl
I bin flocha ois floch
Zum Bankomatgeh um a Kohle
kaunst in mein Foi
komplett fagessn
Jo waun i sterm wü
don schau I auf mei Konto
weu do trifft mi da Schlog
I muas wos mochn
weu i was so geht's
überhaupt ned weida
I drah a linke
raub a Bank aus
weu mia is sowieso
ollas wuascht
I renn duat eine
hui die Kohle
und don hau i mi übad Heisa
Huck mi in Flieger richtung Süden
und daun bleib I fia imma duat
Doch wia i drin bin
in da Bank
siech I sie stehn duat
und sog zu ihr mein Schatz
Liebes Fräulein
sans ob heit mei Geisel
Heans auf zum zittern
sie mochn ma a Freid
Liebes Fräulein
gems ma ned den Weisel
Heit samma no Fremde
doch moang vielleicht scho
Bonnie und Clyde
Bonnie und Clyde
Jetzt steh i mittn in da Bank
und die Hormone
de feiern Silvester
I hob die Liebe meines Lebens
endlich gfundn
und wos wü ma no mehr
Liebes Fräulein
schauns ob heite moch ma
jeden Tog nua mehr Siesta
Aiso rüber mitn Süber
weu mia fliang daun
ans azurblaue Meer
Sie hom mei Lem verändert
Moncherie
Gehms ma a Busserl
und daun her mit da Marie
Liebes Fräulein
sans ob heit mei Geisel
Heans auf zum zittern
sie mochn ma a Freid
Liebes Fräulein
gems ma ned den Weisel
Heit samma no Fremde
doch moang vielleicht scho
Bonnie und Clyde
Bonnie und Clyde
Meine Liebe zu der Dame
ja de woa so unermesslich
doch leider ned nur die Gefühle
sondern a da stille Alarm
Tja monchmoi
mocht die Liebe blind
depat derrisch
und a bissl vergesslich
Drum nenn i jetzt die Zelle 15/95
mei neiches Daham
Nix mit Liebe
nix mit uns
stottdessen Gitter
und Angst hom wanst die buckst
Liebes Fräulein
i schreib ihna grod vom Heisl
weil i Angst hob
worm Conny und vom Heinz
Liebes Fräulein
schickns ma an Haumma
und a Meissl
daun brich i aus
und kum zu ihna
weu mia zwa wia worn wia
Bonnie und Clyde
Bonnie und Clyde
Bonnie und Clyde
Bonnie und Clyde
Bonnie und Clyde
Bonnie und Clyde